Rama: Ja ëndrra që më le pa gjumë, ja pse nuk marrim vaksinat ruse dhe kineze

Kryeministri Edi Rama nga Lezha tha se për turizmin po nxiten investime të reja sa i përket zonës bregdetare.

Gjithashtu ai u shpreh se biznesi i vogël e ka taksën zero duke shtuar se kjo është mbështetja më serioze që një qeveri ka dhënë për biznesin.

Ndërsa u ndal te procesi i vaksinimit Rama tha se synohet që të arrihet vaksinimi masiv për të shpëtuar edhe sezonin turistik.

“Sa kohë do të jetë PS në krye të vendit, biznesi i vogël nuk do të paguajë asnjë taksë për fitimin. Këtë nuk e ka asnjë nga vendet në rajon. Po ashtu një tjetër ndihmë për biznesin dhe të gjithë shqiptarët është vaksinimi.

Është shumë e afërt dita ku ne do të fillojmë vaksinimin masiv për të lehtësuar edhe sezonin e ardhshëm turistik. Nëse realizojmë një vaksinim masiv në mars-prill-maj deri në mesin e qershorit do të kemi një sezon turistik shumë më ndryshe.

Për të kaluar në një tjetër stad na duhet një tjetër sasi vaksinash, pasi me numrin e siguruar procesi do të jetë më i ngadaltë. Kjo është ëndrra që më lë pa gjumi se si të disponojmë sa më shpejt një numër vrastar vaksinash për virusin. Duke hapur rrugën Shëngjin-Velipojë do të kemi një shtyllë të re kurrizore në një zonë ku ka një potencial shumë të madh”, tha më tej Rama. Sipas tij, mosmarrja e vakksinave kineze apo ruse nuk ka lidhje me gjeopolitikën.

“Vaksina në treg nuk ka, janë shumë të pakta, janë në sasi shumë të vogla. Kur SHBA nuk ka vaksina sot për të mundur të thotë se po japim edhe një dozë jashtë Amerikës, nuk është as çështje çmimesh, pasi ne jemi gati të lëmë jashtë vëmendjes çdo gjë për vaksinat”, tha Rama.

Kryeministri po përdor procesin e vaksinimit politikisht, ashtu sikundër po përdor edhe atë të rindërtimit. Deri më tani, në Shqipëri kanë mbërritur më pas se gjysmat e vaksinave të premtuara publikisht nga Edi Rama dhe nuk dihet nëse do të rezultojnë të vërteta edhe deklaratat se gjatë marsit pritet të mbërrijnë në Shqipëri disa mijëra doza vaksinash.

Duket se procesi e vaksinimit, Rama e ka të lidhur ngushtë me zgjedhjet, duke tentuar të fitojë kapital politik, për të shpresuar në mandatin e 3-të si Kryeministër.