Ish-deputeti socialist Alfred Peza i është bashkuar disa prej emrave që nuk do të jenë pjesë e listës së kandidatëve socialistë në zgjedhjet e 25 prillit.
Peza thotë se ka refuzuar ofertën e Edi Ramës për të kandiduar për deputet, ndërsa më herët kanë qenë deputetë dhe ish-deputetë që kanë deklaruar të njëjtën gjë me argumentin se po i hapin rrugën të rinjve.
Në fakt, dy nga emrat publikë të ofruar nga Rama si kandidatë për deputetë, Najada Çomo dhe Luljeta Bozo për nga mosha janë më të vjetër se deputetët apo figurat e PS që vendosën tërheqjen me argumentin se po i hapin rrugën të rinjve.
Ndoshta renditja e tyre në listat e kandidatëve, në atë pjesë të listës që nuk konsiderohet e sigurta për të marrë mandatin e deputetit, janë shkaku i tërheqjeve të kandidatëve të deritanishëm.
“I thashë kryeministrit dhe po jua them të gjithëve se jam ndjerë i privilegjuar që kam përfaqësuar edhe më parë, vullnetin elektoral të qytetarëve në Kuvendin e Shqipërisë. Por karrigia e deputetit nuk është për mua në këtë fazë të jetës dhe aktivitetit tim”, shprehet ish-deputeti socialist Alfred Peza i cili njofton se ka vendosur të mos kandidojë për deputet.
Peza shton se ka plot të tjerë PS, që e duan më shumë se unë dhe e bëjnë po aq mirë apo më mirë se unë punën e deputetit, kështu që më shumë kënaqësi vendin tim ia lë kujtdo prej tyre në Kuvendin e Shqipërisë.
