Milani ka arritur një fitore të pastër 0-2 në transfertë ndaj Veronës në Serie A, ndërsa Liverpool zhytet edhe më shumë në krizë në Premier League.
Kuqezinjtë e Piolit siguruan një trepikësh fantastik pas suksesit 0-2 në fushën e Hellas Veronës, një kundërshtar shumë i vështirë për t’u mposhtur.
Rade Krunic realizoi një eurogol nga goditja e dënimit në pjesën e parë, teksa portugezi Dalot vulosi fitoren e “Djallit” me golin e shënuan në minutën e 50-të.
Djemtë e Piolit menaxhuan avantazhin e dyfishtë dhe tani numërojnë 56 pikë, tre më pak se Interi kryesues (luan nesër përballë Atalantës).
Për të kaluar në Angli, Liverpool nuk po del dot nga kriza dhe sot regjistroi humbjen e gjashtë radhazi në “Anfield”. Fulham ishte ekipi i radhës që mposhti kampionët e Klopp. Miqtë fituan 0-1 falë golit të Mario Lemina në fundin e pjesës së parë. Humbja e nëntë sezonale në Premier dhe vendi i shtatë për “The Reds”, teksa Fulham mori tre pikë shumë të rëndësishme për objektivin mbijetesë.
DENONCO