Në ditën e mësuesit, Lulzim Basha ka zgjedhur që të postojë një mesazh politik duke krahasuar pagën e arsimtarëve në Shqipëri në raport me rajonin dhe akuzuar kryeministrin Edi Rama se në 8 vite nuk bëri asgjë. “Dita e mësuesve mund dhe duhet të jetë shumë më e gëzuar për ta. Së bashku do të sjellim ndryshimin” thotë lideri i PD-së.
Dita e mësuesve mund dhe duhet të jetë shumë më e gëzuar për ta.
Së bashku do të sjellim ndryshimin! pic.twitter.com/Bh4s5uMZeg— Lulzim Basha (@lulzimbasha_al) March 7, 2021
Teksti i videos që u shpërnda nga PD-ja
“Mësuese Tatjana është e lumtur me punën e saj.
Sepse ajo është nga Bosnja,
Ku një mësues gjimnazi merr 1100 Euro.
Mësuese Fatmira nuk është fare e kënaqur me rrogën që merr.
Sepse në Shqipëri mësuesit paguhen rreth 600 Euro në muaj.
Paga më e ulët në rajon.
Mësues i lumtur = nxënës i lumtur.
Rama nuk bëri asgjë për mësuesit dhe as për nxënësit.
Ne mund ta ndryshojmë këtë!
Të zgjedhim një qeveri të re që do t’i rrisë rrogat.
Sepse është detyra jonë t’u kthejmë buzëqeshjen e humbur
mësuesve dhe nxënësve tanë.
Të zgjedhim një kryeministër që punon për ju” mbyllet mesazhi i PD-së, i postuar nga Lulzim Basha.
