Humbje për futbollin shqiptar, ndërron jetë papritur ish-kapiteni i Luftëtarit

Odise Grabova, ish-kapiten i Luftëtarit në vitet ’80-’90, është ndarë nga jeta në mënyrë të papritur ditën e sotme.

Një atak kardiak i ka marrë jetën në moshën 58-vjeçare një prej emrave të shquar të futbollit gjirokastrit, i cili gjithë karrierën e tij ia kushtoi skuadrës së zemrës, Luftëtari.

Në karrierën e tij, Grabova, ka luajtur si mbrojtës i majtë, titullar i padiskutueshëm i Luftëtarit në elitën e futbollit shqiptar për shumë vite. Odisea u tërhoq nga futbolli profesionist në vitin 1998.

BoldNews.al i shpreh ngushëllimet më të sinqerta familjes Grabova për humbjen e tyre.