Këlliçi: Më 25 prill përballemi me 99 hajdutët që po vjedhin Shqipërinë

Kreu i FRPD, njëherazi edhe një nga drejtuesit politikë të PD në Qarkun e Tiranës, Belind Këlliçi, ka vijuar takimet me të rinjtë në kuadrin e fushatës për zgjedhjet e 25 prillit.

“Me të rinjtë e Unazës së Re më bashkojnë dy vlera që qëndrojnë në themel të betejës sonë, shpresa dhe ndryshimi. SHPRESA për të mbajtur këtu rininë dhe NDRYSHIMI për t’i dhënë vendit zhvillim ekonomik dhe kulturor”, shprehet Këlliçi.

Në vijim ai thekson se sot rinia, por edhe çdo qytetar, kërkon një Shqipëri normale.

“As më shumë as më pak. Duam që prindërit tanë të dalin nga kufijtë e mbijetesës. Duam arsim cilësor, punësim në Shqipëri dhe një jetesë normale. Kjo është e mundur.

Më 25 prill, ne nuk përballemi me socialistët por me 99 hajdutët që u kanë vjedhur partinë për të vjedhur Shqipërinë. Do t’u japim një mësim të mirë!”, thekson Këlliçi.