Belind Këlliçi, një prej drejtuesve politikë të PD në Qarkun e Tiranës, ka reaguar sot lidhur me çështjen e inceneratorit të Tiranës, për të cilin tha se janë derdhur 23 mln euro, or plehrat janë kapicë.
Reagimi i Këlliçit është bërë nga Gjykata e Tiranës, ku është paditur për shpifje.
“Sot në gjykatë bashkë me Ina Zhupën sepse jemi paditur për shpifje për çështjen e inceneratorëve nga Mirel Mërtiri dhe kasta politike që ndan paratë me të. Ku je Mirel Mërtiri? Pse nuk paraqitesh në gjykatë të bësh transparencë?
Të paraqiten bashkë me ty Rama dhe Veliaj. Pse nuk vini të përballemi? 23 milionë euro iu kushton qytetarëve të Tiranës ky incenerator ndërkohë që plehrat janë bërë kapicë. 51 mijë euro në ditë paguajnë kryeqytetasit dhe Tirana vazhdon të qelbet.
Ne kemi vendosur të jetojmë këtu por Tirana është e pajetueshme, jo se është e varfër por se është e vjedhur nga këta që mendojnë se do na trembin me një padi në gjykatë. Prisja t’ju shihja fytyrën në gjykatë po si hajdutë e frikacakë që jeni, nuk erdhët. Edhe 52 ditë! Pastaj ju pret drejtësia! Për jetën e vrarë të Ardit Gjoklaj dhe për 6.2 miliardë euro vjedhje në 8 vjet!”, tha Këlliçi.
