Situata e krijuar nga zjarri i rënë nga ana e rrjedhës së lumit Shkumbin pranë fushës së grumbullimit të mbetjeve dhe Inceneratorit të Elbasanit është përkeqësuar ndjeshëm, duke rritur shqetësimin për një përhapje të mëtejshme të flakëve.
Sipas BW, pavarësisht ndërhyrjes së forcave zjarrfikëse, zjarri vijon të mbetet aktiv dhe flakët i janë afruar në mënyrë të rrezikshme zonës së depozitimit të mbetjeve. Për momentin, rreziku që fusha e mbetjeve të përfshihet nga zjarri konsiderohet i lartë, ndërsa ekipet në terren po punojnë për të izoluar vatrat dhe për të parandaluar përhapjen e mëtejshme.
Në gatishmëri për përballimin e situatës emergjente janë vendosur edhe sistemet hidrante të Landfillit të Elbasanit, të cilat po përdoren për furnizimin me ujë dhe mbështetjen e operacionit të shuarjes së flakëve. Megjithatë, kushtet në terren, temperaturat e larta dhe era e lehtë që fryn në zonë po e vështirësojnë punën e zjarrfikësve.
Autoritetet u bëjnë thirrje qytetarëve të shmangin lëvizjet pranë zonës së prekur nga zjarri, deri në normalizimin e plotë të situatës.
LEXO EDHE:
