Covid në Greqi/ 40 pacientë humbin jetën, regjistrohen mbi 2 mijë raste të reja

Gjatë 24 orëve të fundit në Greqi kanë humbur jetën 40 pacientë me Covid, duke e çuar numrin e përgjithshëm të viktimave në 6,597. Ministria e Shëndetësisë raportoi 2,702 raste të reja me koronavirus.

Gjithashtu autoritetet shëndetësore bëjnë me dije se 431 pacientë ndodhen në intubim.

LEXO EDHE  Bilanci ditor i Covid në Kosovë, 14 viktima dhe 277 raste të reja

Pavarësisht masave shtrënguese situata epidemiologjike në Greqi mbetet shqetësuese. Ndërsa numri i përgjithshëm i rasteve me Covid ka arritur në 197,279 të prekur, ku 51,7% prej tyre janë meshkuj.