Kreu demokrat Lulzim Basha ka vijuar sot takimet me biznesin, duke i shpjeguar në detaje programin e prezantuar tashmë nga Partia Demokratike. Basha ishte në Durrës, nga ku tha se sot 1 në 2 biznese prodhuese shqiptare përdorin gjeneratorë.
Ai tha se ndërprerjet e energjisë kosto shtesë për bizneset, duke shtuar se PD e ka evidentuar energjinë si problem kryesor në program.
Një ditë pasi prezantoi programin për energjinë, Basha tha se sot mbi 70% e familjeve nuk e paguajnë dot energjinë, duke shtuar se energjia është jetike për ekonominë dhe prodhimin.
“Ka 8 vjet që qeveria nuk bën detyrën e vet. Shqipëria ka ngecur në vend. Për ne jetik është liberalizimi i tregut të energjisë. Energjia vazhdon të jetë e monopolizuar”, tha Basha.
Ai u shpreh se duhet përkushtim dhe mbështetje për qytetarët që të mos largohen nga Shqipëria, por të gjejnë mundësi për të ndërtuar jetën e tyre në vend.
“Nuk premtoj të bëj ato që bën Gjermania, por mjafton të bëjmë sa ç’bën Maqedonia”, tha Basha. Ai akuzoi Qeverinë e sotme si ortake me oligarkët, ndërsa shtoi se pjesa më e madhe e biznesit e përjashtuar nga qeveria.
DENONCO