Fatmir Mediu kreu i Partisë Republikane është kthyer sërish pak më parë në selinë blu për të zhvilluar një tjetër takim me kryedemokratin Lulzim Basha, ndonëse më herët firmosi marrëveshjen për të qenë së bashku në një koalicion në zgjedhjet e 25 prillit.
Diskutimet me aleatët dhe Bashën kanë vijuar që nga ora 12:00. Deri në këto momente kanë firmosur marrëveshjen 13 parti, ndërkohë që i vetmi i cili ende nuk ka hedhur firmën për të qenë dakord është kreu i Partisë Demokristiane, Nard Ndoka.
Nuk dihet saktësisht se cili është qëllimi i rikthimit në të njëjtën ditë Brenda disa orëve të Mediut në selinë e PD-së.
Mbeten edhe pak orë që Ivi Kaso i ngarkuari nga përfaqësuesit e koalicionit pas firmosjes së marrëveshjes, të depozitoi në KQZ listën përfundimtare.
Fillimish tishte lënë si orar i dorëzimit të listës, ora 19:00. Ndërkohë mësohet se ky afat është shtyrë deri në limitet, orën 24:00.
