Eksperti i shëndetit publik, Dr. Erion Dasho, përmes një postimi në rrjetet sociale, shprehet se sistemin shëndetësor shqiptar ka dështuar.
Dasho shkruan se këtë e tregojnë vdekjet shtesë në 2020, që e rendisin Shqipërinë të tretën mes 35 vendeve europiane, krahasuar kjo me numrin e popullsisë.
Referuar shifrave të INSTAT, Dasho shkruan se gjatë 2020 pati 6049 vdekje shtesë, krahasuar me 2019, ose 216 vdekje shtesë për 100 mijë banorë. Sipas tij, nga studimet ndërkombëtare, të paktën e 90 % vdekjeve shtesë gjatë 2020 i dedikohen Covid-19.
“Gjatë vitit 2020 Shqipëria pati 6,049 vdekje shtesë, ose 216 vdekje shtesë për 100 mijë banorë, e treta midis 35 vendeve europiane që kanë raportuar vdekjet e 2020-ës.
Ndonëse studime serioze ndërkombëtare tregojnë se të paktën 90% e vdekjeve shtesë gjatë vitit 2020, i dedikohen COVID-it, “shkencëtarët” e komitetit dhe puthadorët e tyre po mundohen të gjejnë justifikime nga më të çuditshmet dhe më të pamundurat.
Shërbëtorë të Boratit!
Edhe sikur të gjitha këto vdekje shtesë të vijnë nga shkaqe të tjera, a nuk tregon kjo njëlloj se sistemi juaj shëndetësor ka dështuar??!!”, shkruan Dasho.
