Kryeministri Edi Rama vijon batutat, show dhe propogandën, njëlloj si 4 vite më parë, kur kërkonte mandatin e dytë qeverisës, ndërsa tani kërkon të tretin.
I refuzuar nga shqiptarët, madje edhe në qytetin e Vlorës ku ai është deputet, Rama i ka bërë ftesë disa pensionistëve italianë që të anëtarësohen në PS, madje duke lënë të hapur mundësinë se një ditë ata mund të bëhen edhe pensionistë.
Pensionistët italianë i ka gjetur Damian Gjiknuri, i emëruar nga Rama, si drejtues fushate në Qarkun e Vlorës, dhe me siguri ish-ministri mund të ketë menduar të shkaktojë një tjetër tërmet me këtë takim.
Përpara kamerave, Rama ka thënë, se italianët po ‘vdesin’ që të anëtarësohen në Partinë Socialiste dhe madje premtoi se së shpejti mund të bëhen edhe deputetë në parlamentin shqiptarë. Pastaj për të treguar se vendi që ai drejton është një ‘mrekulli’, deklaroi me seriozitet që të moshuarit që vijnë nga Italia këtu, rinohen edhe më shumë.
“Është kënaqësi e madhe të shoh këtë trend që është në fillesat e veta që italianët zgjedhin Shqipërinë. Të moshuar që vijnë në Shqipëri dhe rinohen larg nga rrëmuja italiane. Kur Damiani më tha që ka disa italianë që duan të anëtarësohen në PS thashë erdhëm edhe te kjo sepse përpara vetëm shqiptarët anëtarësoheshin në parti të huaja.
Jam i sigurt që do të ketë edhe nga ata që do arrijnë edhe në parlament një ditë. Jam i sigurt për ata që do qëndrojnë këtu do vijë koha të marrin edhe nënshtetësinë”, tha Rama.
