Kryeministri Edi Rama vijon të trajtojë me propogandë dhe show qoftë vaksinimin, ashtu edhe rindërtimin. E ndërsa sot u raportuan 18 jetë të humbura nga koronavirusi dhe mbi 1 mijë të tjerë, sipas shifrave zyrtare janë infektimet e reja në 24 orë, apo kur ende ka njerëz në çadra, duke kaluar edhe dimrin e tretë, Rama vazhdon me propogandë.
Ai shkruan në rrjet se ashtu siç po bëhet realitet Rindërtimi i shtëpive, shkollave, qendrave shëndetësore e lagjeve të reja, çka askush nuk e besonte kur ra tërmeti shkatërrimtar, ashtu do të bëhet realitet vaksinimi i krejt popullit, më shpejt se sa shumëkush mund ta mendojë sot Shqipëria.
*Tiranë, ku sot vaksinimi vazhdoi me bluzat e bardha të Durrësit, Matit, Bulqizës, si edhe me banorët e Shtëpisë së të Moshuarve e personelin e kujdestarëve të tyre”, shkruan Rama.
E nëse procesi i vaksinimit do të ecë me ritmet e rindërtimit, nuk dihet se sa persona mund të vijojnë të humbin jetën, apo nëse vaksinat do të jenë të nevojshme, pasi me ritmet e deritanishme të infektimeve mund të arrihet imuniteti i tufës.
