Dy ndeshje të luajtura deri më tani dhe po kaq humbje ndaj Partizanit këtë kampionat. Të kuqtë janë kundërshtari më i padëshiruar për verilindorët gjatë këtij sezoni, pasi jo vetëm kanë arritur të fitojnë ndaj Kukësit, por kanë shënuar plot 6 gola në portën e mbrojtur nga Dashamir Xhika dhe Angelos Tafa.
Në fazën e parë në stadiumin “Loro Boriçi” fitoi 0-2 Partizani me gola të Lukas Kardozo dhe Theofilus Solomon.
Ndërsa në fazën e dytë në stadiumin “Elbasan Arena”, Kukësi pësoi humbjen më të thellë në historinë 9-vjeçare në elitë, pikërisht me shifrat 4-1, teksa për “demat” shënuan Jasir Asani, Eneo Bitri, Jurgen Bardhi dhe Esat Mala. Golin e vetëm për Kukësin e realizoi Agim Ibraimi. /Panoramasport
