Ish-deputeti demokrat, Genc Pollo, nga studio e Syri Tv, duke komentuar fitoren në zgjedhje të Vetëvendosjes, komentoi edhe marrëdhëniet që pritet qeveria e re e Kosovës me qeverinë aktuale të Tiranës.
‘Me rastin jo vetëm të Albin Kurtit, qeveria e Tiranës është futur në konflikt sepse ka anashskaluar Prishtinën për të bërë pakte me Beogradin.
Përpjekja për të copëtuar territorin e ka dëmtuar Kosovën.
Nisma e Minishengenit ka qenë diçka që e ka ndarë qeverinë e Tiranës, jo vetëm me Kurtin, por edhe me Hotin dhe të tjerë në Prishtinë. Kjo përçarje në prill do marrë fund.
Ka shumë gjëra për të bërë. Kemi humbur 8 vjet.
Me energji të mirë mund të kishim bërë shumë gjëra të mira që nuk u arritën.
Në lidhje me marrëdhëniet e Kurtit me ndërkombëtarët, kam përshtypjen që retorika të tilla i ka mënjanuar, dhe kjo është një përpjekje e pjekurisë politike që kalon çdo politikan.
Besoj që me marrjen e përgjegjësisë dhe me zgjidhjen e gjërave më imediate, me kohën do i kushtojnë vëmendjen e duhur negociatave.
Ajo që dëshirojmë ne është jo neglizhimi në bashkëpunimin me ndërkombëtarët, por bërja produktive.
Konfliktimi i panevojshëm më faktorin ndërkombëtar, kam përshtypjen që qeveria e Kosovës do ta evitojë.
Marrëdëniet e Ramës me politikën në Kosovë janë në nivelet më të ulta.
Kjo u pa edhe në vizitën e Presidentes së Kosovës në Shqipëri.
Foli për nismën e Minshengenit që dëmton Kosovës. Për tarifën e tmerrshme që dëmton marrëëdhëniet ekonomike midis dy vendeve.
Dhe këto janë kontradikta jo personale, që mund të ndryshojnë vetëm më 25 prill.
Dhe projektet e përbashkëta me Kosovën nuk do mbeten propagandë 3D që janë tipike të Edi Ramës.’
