Përfundon seanca gjyqësore për dosjen 184 në gjykatën e shkallës së parë Dibër, ndërsa për gjykim do të kalojnë Robert Aga, ish shef i komisariatit Dibër, Drini Gjeci ish drejtor i arsimit, Nuri Meda ish-administrator i Tominit, Hasan Hoti ish-administrator i Lurës.
Avokati i palës paditëse (PD), Indrit Sefa, tha para mediave se gjykata nuk dha drejtësi.
“Nuk u pranua kërkesa e jonë për përjashtimin e gjyqtarit Xhevdet Lika. Gjykata vendosi rrëzimin e ankimit të PD për shtetasit Korab Lala, Arben Keshi, Dionis Imeraj, Afrim Mikli, Bekim Krashi.
Gjyqtari Xhevdet Lika edhe pse një Magjistrant i ri dështoi të bëjë drejtësi dhe u bë palë me prokurorin për ti vënë kapak me ngutje kësaj dosje duke legjitimuar veprimet e paligjshme të prokurorit.
Fakti që gjyqtari Lika dhe prokurori po nguten për ta mbyllur këtë dosje është më kriminale se sa vetë vepra që ato kanë kryer.
Nuk e kuptojmë se si një gjyqtar i ri bëhet palë me e një sistemi të kalbur që vijon të mos japë drejtësi”, tha avokati Sefa, i cili paralamëroi se çështja do të apelohet sot në Gjykatën e Apelit Tiranë.
