Java e 18-të e Kategorisë Superiore është mbyllur ditën e sotme me takimin Kukësi-Kastrioti. Miqtë surprizuan verilindorët duke i mundur me rezultatin 0-1.
Ai që përcaktoi fatet e ndeshjes ishte Devid i cili realizoi golin e fitores në minutën e 46-të të pjesës së parë. Ky raund i Superiores u hap ditën e premte me takimin Vllaznia-Laçi. Kurbinasit arritën një fitore të madhe 1-2 në transfertë duke i shkaktuar kryesuesve të kampionatit humbjen e 3-të sezonale.
Ndërkohë, ditën e djeshme u zhvilluan pjesa më e madhe e ndeshjeve të javës së 18-të. Partizani arriti një fitore tepër të rëndësishme 1-2 ndaj Bylisit. Me këtë triumf, të kuqtë shkurtuan diferencat me Vllazninë në 6 pikë duke ringjallur aspiratat për titull kampion.
Tirana e pati të lehtë ndaj Skënderbeut të vendit të fundit duke i mposhtur 2-0 në “Selman Stërmasi”. Arriti të festojë edhe Teuta të cilët mundën me rezultatin minimal 1-0 Apoloninë.
Pas 18-të javëve kampionat, Superliga kryesohet nga Vllaznia në kuotën e 37-të pikëve. Ndjekin Partizani dhe Laçi përkatësisht me 31 dhe 30 pikë, ndërsa kampionët në fuqi, Tirana renditet e 6-ta me 26 pikë.
Kategoria Superiore, Java e 18-të
E Premte
Vllaznia-Laçi 0-1
E Shtunë
Bylis-Partizani 1-2
Tirana-Skënderbeu 2-0
Teuta-Apolonia 1-0
E Diel
Kukësi-Kastrioti 0-1
Klasifikimi:
