“Shqiptarët janë të lidhur në trafik droge me “Ndranghetan”. Ne i shohim ata në trafikun e kokainës, në Kolumbi me Ndraghetan”, këtë e tha vite më parë prokurori Nicola Gratteri.
Dhe vetëm me 18 janar, anti-mafia italiane arrestoi 50 anëtarë të grupit Italian mafioz të ‘Ndrangheta-s’, në një operacion të nisur prej vitesh.
Përgjimet zbuluan lidhjen e tyre me zyrtarë të Bashkisë së Tiranës, Qeverisë dhe Presidencës në aferat me tendera për leje ndërtimi.
Përllogariten 250 milionë euro të skemës së pastrimit të parave të mafies italiane në Shqipëri. Dosja e plotë me mbi 1 mijë faqe e përgjimeve të këtij operacioni mban emrin e Prokurorit të anti-mafias, Nicola Grateri.
Italianë të arrestuar
Giuseppe Idà , Kryetar i Bashkisë Rosarno
Domenico Scriva, këshilltar komunal
Antonio Gallo “ Princi”, biznemen kalabrez
Ercole D’Alesandro , Guadia di Finanza
Shqiptarë të arrestuar
Edmond Baci, Catanzaro
Henrik Baci, Shqipëri
Odeta Hasaj, Shqipëri
Bilar Hoxha, Shqipëri
Alban Keta, Catanzaro
Bledar Koçi, Shqipëri
Memlin Voci, Catanzaro
Mediat italiane dhe ato vendase, në bazë të përgjimeve të kryera në vitin 2017 zbardhen disa nga lidhjet dhe mënyrën se si funksiononte skema. Sipërmarrësit italianë të arrestuar kanë hapur biznese dhe në Shqipëri, veçanërisht në ndërtim. Për këtë arsye, përfaqësuesit e mafies kanë përdorur si ndërmjetës politikanë italian, siç del nga përgjimet emri i eurodeputetit të djathtë Lorenzo Cesa, të cilët mbanin lidhje me politikanë dhe zyrtarë te lartë në Tirane.
Në përgjime ka biseda për takime me zyrtarë të Bashkisë Tiranë apo ministra, të cilat në këmbim të ryshfetit do të jepnin tendera dhe leje ndërtimi për italianët.
Pjesë e dosjes është sipërmarrësi Antonio Gallo dhe Antionio Speziali flasin me avokatin Claudio Larussa, përfaqësues i politikanëve Tomaso e Saverio Brutto për tu lidhur me zyrtarë pranë Bashkisë së Tiranës.
Kryeministri Edi Rama i konsideroi qesharake këto akuza e tha se i vetmi investim i “Ndrangetas” në Tiranë ishte dyqani i rrobave në pronësi të Antonio Gallo i falimentuar sipas tij.
Lulzim Basha akuzoi kryeministrin dhe njerëzit e tij për lidhjen me mafien për të shtuar pasuritë e tyre.
Me 4 shkurt, SPAK bëri me dije se ka nisur hetimet për korrupsion të zyrtarëve, grup të strukturuar kriminal, pastrim të parave dhe kryerje e veprave penale në kuadër të organizatës kriminale.
Ata shkuan ne Rome për të parë dosjen, e cila është po aq e rëndë nëse faktohen përgjimet sa ajo e 339 dhe 184 të cilat u shpërbën me refuzim të SPAK. /abcnews.al/
