Është aktivizuar vetëm 3 herë në 23 ndeshjet e fundit, Lazio sqaron situatën e Strakoshës

Pas zërave për një krisje të raporteve me klubin dhe nxjerrjen në shitje të Thomas Strakoshës, Lazio ka reaguar zyrtarisht në lidhje me situatën e portierit të kombëtares së Shqipërisë. Në një njoftim për mediat, klubi bardhekaltër sqaron se “gardiani” vazhdon të jetë i dëmtuar dhe kjo është arsyeja e vetme pse ai qëndron jashtë skuadrës.

“Thomas Strakosha ka pësuar ditët e fundit një dëmtim në gjurin e djathtë. Për momentin nuk është e nevojshme ndërhyrja kirurgjikale. Portieri po monitorohet ditë pas dit për të vlerësuar kohët e rikuperimit. Çdo gjë tjetër ështrë spekulim.

LEXO EDHE  Tottenham do Kessie në Janar

Mes lojtarit dhe klubit ka njërespekt dhe besim reciprok dhe këtë ai e ka treguar me profesionalizmin në fushë”, lexohet mes të tjerash në njoftimin e shpërndarë nga Lazio. Gjithsesi, fakt është që Thomas Strakosha ka humur rolin e titullarit të padiskutueshëm, duke i lënë vendin në portë Pepe Reina. Kjo nuk është pritur mirtë nga portieri, ndërsa edhe tratativat për rinovimin e kontratës kanë ngrirë.