Liverpool duket në vështirësi në këtë sezon teksa skuadra e Klopp është larg formës së treguar gjatë viteve të kaluara. Fitoret me rezultatin 3-1 ndaj Tottenham dhe West Ham, dukej se kishte ringjallur ekipin e Jürgen Klopp, por mbrëmjen e djeshme “The Reds” u mundën në shtëpi 0-1 nga Brighton.
Në kundërshtim me parashikimet para takimit, Liverpool jo vetëm që pati vështirësi të ingranohej, por vuajti rifillimet e shpejta të kundërshtarit dhe në të 56 ‘pësoi golin që, në fakt, vendosi sfidën e Anfield: krosimi i Burn nga e majta, goditje e Alzate, me topin që mori një trajektore të çuditshme duke befasuar Kelleher. Liverpool nuk pati forcë të reagonte dhe u dorëzua, duke rrëshqitur në vendin e katërt, të tejkaluar nga Leicester e -7 nga kreu.
Ndërkohë nga ana tjetër, Manchester City mori fitoren e radhës duke konfirmuar formën e jashtëzakonshme. Një sukses pa shumë sforcim, kundër Burnley-t të cilët i mposhtën 0-2 në transfertë. Për Manchester City ishte fitorja e nëntë radhazi në kampionat, e për momentin nuk duket se ka kundërshtarë të besueshëm për ti ndaluar kryesuesit e kampionatit anglez.
