Roberto Dominguez u zyrtarizua pak ditë më parë te Partizani. Mbrojtësi 23 vjeçar vjen nga Bolivari, në Bolivi. Në një intervistë për “Elgrafico”, ai shprehet i gatshëm për këtë aventurë të re. Dominguez shprehet se nuk do përfaqësojë vetëm veten e vet, por edhe gjithë El Salvadorin. Ai falenderon zotin, në një moment shumë të rëndësishëm për karrierën e tij.
“Mendoj se bëra një punë të mirë në Bolívar dhe mendoj se kjo më ndihmoi të kisha këtë mundësi. Jam i lumtur për mundësinë për të shkuar në Shqipëri. Ka shumë njerëz që janë shumë të lumtur për këtë lajm, veçanërisht familja ime.
Kjo ndodhi shumë shpejt. Selvin (përfaqësuesi i Domínguez) ishte në kontakt me një përfaqësues nga atje, ata u koordinuan, arritën një marrëveshje me klubin dhe falënderoj Zotin që jam duke fluturuar atje sot.Mendoj se kam një sfidë të bukur.
Unë jo vetëm që përfaqësoj Roberto Domínguez, por gjithë El Salvadorin. Kjo i vë një përgjegjësi të madhe dikujt si futbollist, duke dashur të përfaqësoj vendin tim mirë dhe shpresoj të jem në gjendje të luaj kompeticione të reja për ne salvadoranët. Unë tashmë kam thyer një rekord dhe shpresoj të kualifikohem për një kompeticion shumë më të rëndësishëm evropian” – tha ai.
