Mirela Tabaku, eksperte e shëndetësisë pranë PD, thekson se programi i kësaj partie, i paraqitur ditët e fundit, do t´i kthejë dinjitetin mjekëve dhe infermierëve, gjithë personelit mjekësor.
Tabaku shprehet se do të rritet rroga e mjekëve në 1200 Euro dhe infermierëve në 700 Euro.
“Ne do të rrisim numrin e studentëve që do të studiojnë për mjekësi, qoftë përmes rritjes së kapaciteteve aktuale të Fakultetit të Mjekësisë, si dhe hapjes së një fakulteti të ri publik.
Do të motivojmë mjekët e rinj të specializohen, duke i paguar të gjithë specializantët me 950 Euro ne muaj dhe duke lënë të hapur punësimin e tyre pas specializimit bazuar në konkurimin e lirë pranë çdo spitali”, tha Tabaku.