Pandeli Majko, ministër i Diasporës, tha mbrëmjen e sotme në emisionin “Open” se do të kandidojë në Qarkun e Tiranës për zgjedhjet e 25 prillit.
Majko tha se do të kandidonte në njsinë nr 5 në Tiranë, ndërsa pohoi se të gjithë deputetët aktualë të PS tashmë i dinë zonat e tyre dhe po punojnë.
“Jemi duke punuar në zonat ku jemi, unë jam në njësinë nr 5”, tha Majko. Sipas tij, fushata për 25 prillin do të jetë e polariuar, pavarësisht se mund të bëhet përmes rrjeteve sociale.
Majko tha se opozita është e vonuar në procesin e fushatës.
“Opozita u defaktorizua duke u larguar nga Parlamenti dhe duke bojkotuar zgjedhjet lokale, ndërsa sot kërkon të marrë gjithçka. Më duket e pamundur. Edhe ne jemi të konsumuar nga qeverisja, megjithëse ne kemi ditur të mbajmë një qëndrim me elektoratin”, tha Majko.
