Një aksident i rëndë ndodhi mbrëmjen e djeshme në unazën e brendshme të qytetit të Fierit. Një automjet përplasi një çift bashkëshortësh, të cilët janë dërguar menjëherë në spital.
Ndërkohë raportohet për mediat se burri, shtetasi I.M, 67 vjeç, ka ndërruar jetë në mesnatë. Ndërkohë që bashkëshortja e tij është nisur drejt Tiranës për ndihmë mjeksore më të specializuar.
Aksidenti ndodhi rreth orës 19:00 të pasdites djeshme pranë kthesës së ETC në inazën e qytetit Fier. Policia ka shoqëruar drejtuesin e mjetit, shtetasin L. B., dhe po kryhen veprimet procedurale.
Makina që ka shkaktuar aksidentin ishtenjë automjet tip ‘Seat’ me targë AB 868 AJ.
Njoftimi
Fier
Informacion paraprak
Sot rreth orës 18:15, në vendin e quajtur “Kthesa e Etc”, shtetasi L. B., 30 vjeç, duke drejtuar automjetin tip “Seat” ka aksidentuar dy këmbësorë, shtetasit I. M., dhe Gj. M., të dy 67 vjeç, banues në Fier, të cilët ndodhen në spitalin e Fierit nën kujdesin e mjekëve.
Eshtë shoqëruar drejtuesi i mjetit, shtetasi L. B., dhe po kryhen veprimet procedurale.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
