Gjatë një bashkëbisedimi me qytetarë në Korçë, Kryeministri Edi Rama u përball me pyetjen e një drejtoreshe shkolle, e cila evidentoi problemet në zhvillimin e mësimit online.
“Jemi në situatë të vështirë se mësimi nuk zhvillohet normalisht. Një pjesë e nxënësve po e zhvillojnë online e vështirësia vjen për shkak edhe të mundësive teknike, problemeve në kategori të ndryshme fëmijësh dhe familjesh, e pyetja tjetër është pse duhet të binte tërmeti që të ndërtoheshin shkolla të tilla?“, tha drejtoresha e shkollës.
Kryeministri Edi Rama e pranoi se jemi në situatë të vështirë lidhur me mësimin online, ndërsa tha se kemi vënë një bast me veten për të ndërtuar në të gjitha aspektet, që nga planifikimi deri tek cilësia e ndërtimit duke kaluar përmes një projektimi ambicioz me standarte si në vendet e BE, madje kemi dëshiruar që shkollat e rindërtuara të jenë shkolla që dhe në BE do hynin mes atyre që janë më të mirat.
“Duke pasur këtë mundësi ne bëmë e po bëjmë besoj një punë shumë të mirë me projektet e ndërtimin, duke përfshirë pothuajse të gjitha kompanitë e ndërtimit që kanë forca të mundura për tu përfshirë janë 27 mijë punëtorë të angazhuar me rindërtimin, ndërkohë që me shkollat e reja në vende e të tjera ne jemi përpjekur të rrisim standartet dhe duhet ta them që ka një rritje të standarteve por jo një rritje uniforme, dhe kjo është e vërtetë.
Financimi i shkollave dhe realizimi i projekteve të tyre në kushte normale kryhen në bashkëpunim me pushtetin vendor.
E jo të gjitha bashkitë kanë kapacitetet e duhura për të bërë projekte të standartit që ju keni parë në programin e rindërtimit e jo gjithmonë kompanitë e supervizorët bëjnë punën ashtu sikundër po bëhet në kushtet e programit të rindërtimit.
Pa programin e rindërtimit, ne kemi investuar konsiderueshëm, kryesisht rikontruksionin e shkollave ekzistuese e jo pak shkollave të reja.
Ndërsa me programin e rindërtimit numri i shkollave të ndërtuara, pra të reja, në këto 7 vjet është më i madh se sa të gjitha shlollat e ndërtuara apo rikontruktuara në të gjitha vitet e tjera të marra së bashku.
Është dhe një mësim, eksperiencë që do na ndihmojë të përmirësojmë standartet e të garantojmë që të bëjmë investime me shumë cilësi dhe me kosto të arsyeshme”, tha Rama.
