Dita e premte do të rikthejë reshjet në vend. Kështu ka bërë me dije Shërbimi Meteorologjik Ushtarak.
Reshjet e shiut do të jenë të shpeshta, por me intensitet mesatar duke nisur nga pjesa e dytë e ditës.
Në zonën veriperëndimore, ku aktualisht është situatë e rënduar për fat të keq nuk do të mungojnë shirat.
Reshjet me intensitet mesatar deri të lartë do të vijojnë edhe në 12 orët e para të ditës së shtunë, por të djelën do të ndalen .
E gjithë kjo situatë mund të sjellë rritjen e nivelit të ujit në lumenj si Drini dhe Buna.
Në lartësinë mbi 600 metra në veri dhe në lartësinë mbi 900 metra në juglindje do të bjerë borë.
I vetmi lajm i mirë është se do të rriten temperaturat.
