Kryebashkiakja e Durrësit, Emirjana Sako, ka zbritur në terren për të parë nga afër zonat e përmbytura në Njësinë Administrative të Sukth-it.
Sako nuk është pritur mirë nga banorët e revoltuar të “lagjes Erzeni”, të cilët i janë shprehur që si gjatë përmbytjeve të vitit 2016 ashtu edhe gjatë tërmetit ndihma e shtetit ka qenë pothuajse inekzistente.
Kryebashkiakja në vend që t’u përgjigjet banorëve të shqetësuar për problematikat e tyre, gjen kohë të merret me gazetarët, ku u kërkon të heqin kamerat.
“Moj zonjë në 2016 u mbytëm, u shkatërruam komplet me gjithçka kishim, i rregulluam me forcat tona, nuk morëm asnjë lekë nga shteti. Ra tërmeti, i rregulluam prapë. Me 30 milionë lekë tani po më ikën truri nuk kam asnjë gjë tani”, shprehet një banore e revoltuar.
Nga ana tjetër Sako u kthehet gazetarëve dhe u kërkon heqjen e kamerave.
