Përgjimet e anti-mafies/ Spiropali bëhet edhe prokurore: S´ka prova, zero me xhufkë

Ministrja e Shtetit për Marrëdhënie me Kuvendin, Elisa Spiropali, ka folur sot si një prokurore, ndërsa u shpreh se përgjimet e anti mafies italiane nuk kanë prova lidhur me implikimin e zyrtarëve shqiptarë, duke i cilësuar ato si zero me xhufkë.

Nuk është hera e parë që ministrja e Ramës shfaqet dhe bën deklarata që më pas ose kthehen në meme në rrjetet sociale, ose shkaktojnë batuta. Sot ministrja u pozicionua në mbrojtje të Kryebashkiakut Veliaj, njv prej emrave që përmendet nga përgjimet, me të cilin kanë nisur bashkarisht karrierën politike që nga Mjaft, më pas te G 99 dhe sot në PS.

Në emisionin Çim Peka LIVE, Spiropali tha se kjo është përballje me asgjë.

“Janë fjalë të instrumentalizuara, ju nuk duroni t’i analizoni, le më të prisni gjykatën dhe prokurorinë për të ndarë fjalët nga faktet.

LEXO EDHE  Ngjarja e rëndë në zyrat e PD-së, Presidenti Meta pritet të niset drejt Kavajës: Mos bini pre e provokimeve

Në të gjithë atë dosje, edhe pse nuk jam prokurore, por ato që ju keni nxjerrë si xhevahirë, perla dhe prova të pakundërshtueshme, aty është një zero me xhufkë. Një banalitet i dy delirantëve që komunikojnë me njëri-tjetrin për ëndrrat që kanë mbi lidhjen që duan të kenë në Shqipëri.

Mjafton të shohim produktin. Ne nuk mund të gjykojmë as mbi dëshirat dhe as mbi ëndrrat dhe vetëm mbi faktet. Lidhja e tyre nuk ka prodhuar asgjë në Tiranë.

Ata këtu në Shqipëri kanë një dyqan rrobash dhe nuk kanë ndërtuar asgjë. Vetëm mafia e prodhuar në Babale mund të prodhojë një gjë të tillë,” tha Elisa Spiropali.

“Darka e drekë mund të kenë ngrënë. Ne inkurajojmë prokurorinë që të hetojë nga fillimi deri në fund,” tha Spiropali.