Nënkryetari i LSI-së, Petrit Vasili, ish-ministër i Shëndetësisë, ka reaguar lidhur me shifrat e publikuara sot mbi rastet e pandemisë Covid-19 në vendin tonë.
Vasili shkruan se nga dje deri sot ka një rritje 100 % të rasteve të reja, ndërkohë që numri i testimeve u rrit me 7 % brenda 24 orësh.
“Rritje kritike 100% e qytetarëve të infektuar me COVID-19 nga dje në sot.
Diferenca në numrin e testimeve është vetëm 7%, nga 2343 në dt.18 Janar në 2520 sot në dt.19 Janar.
Përse kjo rritje drastike me 100%?
A analizohen këto rezultate duke i kryqëzuar me verifikimet dhe projeksionet epidemiologjike në terren?
Kjo ecuri kaotike dhe jashtë çdo kontrolli bie totalisht mbi shëndetin e qytetarëve. Qeveri boll me spërdredhje dhe me broçkulla propagandistike jepini zgjidhje situatës.
Po pres kryepidemiologun Rama të japë sqarimet e radhës!?”, shkruan Vasili në reagimin e tij.
