Rama në emision foli për çdo gjë rreth vaksinës që solli dorazi, por nuk tregoi sesi erdhi dhe pse fillimisht deklaroi se vaksina erdhi të premten, ndërkohë në dokument thuhet se ajo mbërriti të shtunën. Gjatë gjithë kohës i ka mëshuar fjalës së tij se vaksinën e solli ai dhe është duke bërë bisedime me disa vende. Foli për bisedime nën rrogoz dhe shtoi se e ka thënë se po negocion me Astra Zeneca që është më e lirë sesa Pfizer dhe një vaksinë me një goditje. Tha se është afër dhe po pret vaksinën tjetër Xhonson &Xhonson dhe është me një goditje dhe po vazhdon të bisedojë me Modernën. Rama tha se vaksina sot është shumë e çmuar se kërkesa është marramendëse dhe oferta është shumë e vogël.
Por Rama nuk tregon as rrugën që është ndjekur nga Rinasi deri në frigoriferët.
Keni thënë se vaksinat kanë ardhur të premten. Një dokument thotë se kanë ardhur të shtunën në orën 9. Kur kanë mbërritur?
Rama mohon deklaratën. “ Kam thënë se ka filluar procesimi të premten”
“Nga Rinasi deri në ISHP i kemi sjellë me kuaj dhe pastaj i futëm në arka domatesh. Unë të hënën vajta mora një vaksinë e futa në trupin tim jashtë kushteve. Unë fjalën kam, s’kam gjë tjetër.
Ato i ka sjellë një shtet i BE-së me të gjitha kushtet dhe është vetëm një absurd të mendosh që një shtet një kryeministër mund të bëjë lojëra të tilla. Ka vetëm një dryn konfidencialiteti që lidhet me faktin që ose do të merrnin valksinat ose nuk do t’i merrnim.
- 780 doza do të vijnë Brenda janarit dhe në shkurt janë mbi 10 mijë doza të tjera dhe unë po ju them se prapë do sjellë vaksina me kuaj.
Do na lejoni t’i xhirojmë?
Do jenë kuaj supersonic nuk i kapin kuajt tuaj.
