Qendërmbrojtësi i Man. City-t, Eric Garcia, është pranë transferimit te Barcelona. Mundo Deportivo raporton se marrëveshja mes klubeve është arritur dhe 20 vjeçari do të rikthehet në Spanjë, aty ku ka lindur.
Garcia e kishte shprehur hapur dëshirën për t’u rikthyer në shtëpi. Kontrata me anglezët e Manchester City i përfundon në verë dhe Garcia nuk pranoi të rinovonte marrëveshjen.
Në këto kushte “Qytetarët” kanë vendosur të heqin dorë nga pretendimet e larta dhe qendërmbrojtësi do të rikthehet te Barcelona për shumën e 5 milion eurove që këtë muaj.
Garcia te City këtë sezon në Premier League ka luajtur vetëm në tre ndeshje, dy prej të cilave i ka nisur nga fillimi. Vjet pati më shumë hapësira, duke u përzgjedhur nga Guardiola në 13 ndeshje kampionati.
