Darka në Dubai, Paloka: Shikoni luksin e shfrenuar të ministrave, janë grimcat e vjedhjeve që le Rama

Nënkryetari i PD-së, Edi Paloka, ka reaguar përmes një postimi në rrjetet sociale, lidhur me darkën e ministrav të Ramës, Arben Ahmetaj e Belinda Balluku, nënkryetarit të Bashkisë Arbjon Mayniku dhe këshilltarit Endri Fuga, në prani të biznesmenit Samir Mane, në restorantin Nusr-et në Dubai.

Ndërsa e cilëson si luksin e shfrenuar të qeverisë Rama, Paloka shprehet “e imagjinoni që këta mbledhin vetëm grimcat e vjedhjeve që le lubia në krye të qeverisë!”.

“Kjo qeveri ka ministra si Etilda që paguajne 700 euro natën në hotel, po ka dhe ministra që paguajne 700 dollarë një pjate.

Ka ministra që vetem xhupi ju kushton 3 mijë euro po ka dhe ministra si Balluku që mbajne varëse 10 mijë dollarë në qafë…

LEXO EDHE  Sherr me policët, 3 të arrestuar në Durrës

E imagjinoni që këta mbledhin vetëm grimcat e vjedhjeve që le lubia në krye të qeverisë. Ai që merr charterin 100 mijë euro për të bërë foto me Cristiano Ronaldon apo për tu zdërhallur nëpër botë herë për të hapur ekspozitat e tij, herë për të parë ndeshje të NBA e herë tjeter ( si rastin e fundit) thjesht për shooping në Fifth Avenue të New York-ut.

Të gjitha këto mundësisht në kulmin e fatkeqësive për shqiptaret, kur njerëzit janë nën rrënojat e tërmetit apo nën ujin që i ka përmbytur. Pandemia qendron ne sfond ! Ju duhet dhe një mandat tjetër…”, shkruan Paloka.