Interpol Tirana ka njoftuar arrestimin e pesë shtetasve shqiptarë në Dubai, të cilët prej kohësh fshiheshin nga drejtësia shqiptare në Emiratet e Bashkuara Arabe.
Operacioni u zhvillua në bashkëpunim me autoritetet homologe në Abu Dhabi, me qëllim lokalizimin dhe kapjen e personave të shpallur në kërkim ndërkombëtar.
Të arrestuarit janë Kristo Qirici, Shkelzen Kraja, Ilir Lazri, Aleks Pepaj dhe Merxhan Celiku.
Për ta kanë nisur procedurat e ekstradimit drejt Shqipërisë, ku kërkohen nga SPAK për vepra të ndryshme penale.
Katër prej të arrestuarve, konkretisht Kristo Qirici, Shkelzen Kraja, Ilir Lazri dhe Aleks Pepaj, dyshohen për përfshirje në veprimtari kriminale në fushën e narkotikëve.
Ndërkohë, Merxhan Celiku akuzohet për mashtrim kompjuterik.
Sipas hetimeve, Kristo Qirici dhe Eldjan Allushi konsiderohen drejtues të një grupi kriminal në Sarandë, i cili trafikonte lëndë narkotike drejt Greqisë dhe vendeve të tjera.
Pasuritë e këtij grupi janë sekuestruar prej disa muajsh nga SPAK, në kuadër të hetimeve ndaj organizatës kriminale.
Kush janë Kristo Qirici dhe Eldjan Allushi, sekuestrimi i 90 pasurive të grupit kriminal nga SPAK
Kisto Qirici akuzohet si kreu i një grupi kriminal të trafikut të drogës që transportonte drogë drejt Greqisë dhe më gjerë. Edhe Eldjan Allushi akuzohet si pjesë e të njëjtit grup, në të njëjtën dosje.
90 pasuri, vlera e të cilave shkon në miliona euro, janë vendosur në sekuestro preventive me vendim të GJKKO pas operacionit të policisë që vendosi në pranga 2 shefa policie dhe shpalli në kërkim një tjetër vitin e kaluar.
Sekuestrihet u bënë në muajin mars të këtij viti. Prokuroria e Posaçme njoftoi se pasuritë e sekuestruara i përkasin të shpallurve në kërkim Kristo Qirici (I njohur dhe me 2 emra të tjerë si Jetmir Hoxhaj apo Jetimir Qirici), Eldjon Alushaj alias Kosta Alushaj, si dhe Shkelzen Kraja.
Dy të parë dyshohen se krerë grupeve kriminale që kultivonin kanabis në Sarandë dhe zonat përreth në vitet 2019-2021, dhe drogën e trafikonin drejt Greqisë.
Numri më i madh i pronave është i përqendruar në Sarandë dhe të tjerat në Tiranë, ndërsa bëhet fjalë për dhjetëra pasuri të paluajtshme, biznese të rëndësishme por edhe 39 llogari bankare, ne emër të Qiricit, Alushajt, Krajës dhe personave të tjerë të lidhur me ta.
Në pronësit të Kristo Qiricit SPAK ka evidentuar dhe ka sekuestruar 15 pasuri, thuajsse të gjitha në Sarandë, mes të cilave një hotel, një bar restorant dhe 9 pasuri të tjera të paluajtshme e 3 llogari bankare.
Në emër të Eldjon Alushajt janë gjetur 2 pasuri në Sarandë por edhe disa të tjera në emër të personave të lidhur me të.
Më shumë pasur ka anëtari i grupit të strukturuar kriminal Shkëlzen Kraja me 2 vila në Dhërmi të Vlorës, 17 llogari bankare, biznese, troje apartamente, sipërfaqe toke, kullota, pemtore etj
Pasuritë e tjera në sekuestro preventive janë në emër të personave të lidhur me 3 të kërkuarit, ndërsa bëhet fjalë për hotel në Sarandë, apartamente, biznese dhe 19 llogari të tjera bankare.
Në ndihmë të këtij grupi kriminal gjatë trafikut të drogës SPAK dyshon se janë vendosur edhe 3 drejtues të rëndësishëm të policisë 2 prej tyre janë në pranga, Ervis Alisinanaj, shef krimesh ne Lushnje dhe Shkëlzen Ruska, shef krimesh në Himarë ndërsa Elvis Dervishi, shef i kufirit në Sarande është në kërkim.
