Rama ngopet me fjalët: Jasu palikari dhe merhaba arkadash!

Nga Boldnews.al

Pasi qëndroi dy ditë në Turqi, ku u prit me ceremoni të madhe dhe me një marrëveshje të dyshimtë, Rama shkeli edhe në Athinë. Në propagandën qeverisëse u përhap një lajm i rremë se Rama ishte një lloj ndërmjetësi për shtensionimin e marrëdhënieve Turqi-Greqi. Po edhe ky rol i korrierit është i tepërt që ti besohet…

Në të vërtetë në Greqi Rama mori premtim se do i faleshin rreth 7 mijë vaksina anti-civid, por pas atij injeksioni fshihen të tjera qëllime, ku “kryelideri” ynë i “Ballkan Pazarit”, duket se ka rënë plotësisht dakord që trojet tona në disa zona në Jug  dhe Juglindje të vendit t’i kthejë në varreza të ushtarëve grek të rënë gjatë Luftës së Dytë Botërore.

Për të arritur një qëllim fort të ngushtë, si tentativa për të rrëmbyer pushtetin për herë të tretë, Rama ka nxjerrë në treg  integritetin kombëtar. Pranimi deri në përulje dhe lufta e tij e madhe për të justifikuar deri në marrëzi zgjerimin e ujrave detarë të Greqisë nga 6 në 12 milje, janë vetëm njëra anë, pasi politika greke tek kryeministri ynë ka gjetur mundësinë për të realizuar atë që ka dekada që e mendon.

Në Jug të vendit janë ngritur disa varreza të ushtarëve grek të rënë gjatë Luftës së Dytë Botërore. Më shumë se një çështje humane, memorialet dhe toka shqiptare si varr për të rënët grek po përdoret nga nacionalistët për të treguar se është “truall helen”. Por ndërsa Greqisë i ofroi shumë, edhe turqinë e Erdogan nuk e ka lënë pa gjë, madje me një politike që trazon fort.

LEXO EDHE  Mbeti i bllokuar dje në minierën në Bulqizë, ende asnjë gjurmë nga minatori

Me nënshkrimin e marrëveshjes së Bashkëpunimit mësohet se është rënë dakord mes Ramës dhe Erdogan që e ashtëquajtura “Organizata Feto”, e drejtuar nga Fetullah Gylen, të konsiderohet si terroriste. Në shkëmbim Rama do marrë një spital fushor që do të ndërtohet në Fier, apo rikonstruksionin sipas shijeve “alla turka” të Xhamisë së Plumbit në Shkodër.

Nëse merr fuqi ligjore ajo marrëveshje, atëherë të gjithë kundërshtarët e Erdogan që jetojnë në Shqipëri, rrezikojnë që të ekstradohen. Kjo do hapte direkt probleme të rënda politike me vendet e Bashkimit Evropian, apo edhe SHBA, të cilët nuk e konsiderojnë “Organizatën Feto” si terroriste, përkundrazi SHBA ka strehuar dhe vijon të refuzojë haptas ekstradimin e Gylen në Turqi.

Mediat greke para viztës së tij shkruanin se Ramës nuk është për ti besuar, pasi sipas analizës së tyre po bën një lojë të dyfishtë, ku fill pas vizitës në Ankara po kërkon që të “shpëlahet”, duke përdorur Athinën si preteks që nuk e lë pas Evropën dhe integrimin e Shqipërisë në BE. Po kjo duket se do jetë vizita pa asnjë krdencial, pasi asnjë prej liderëve Evropian nuk e ka qasur, për më tepër që nën haluçinacione Rama ka kritikuar shpesh vendimet e BE-së, duke tentuar që dështimin e qeverisë së tij për mosplotësimin e kushteve t’i konsiderojë si “mbyllje” të Evropës. Megjithatë Rama në katër ditë shëtitje në aksin “Ankara-Athinë ka dëgjuar mjaftushëm fjalët: Jasu palikari dhe Merhaba arkadash!