Covid-19 në Greqi, 47 persona humbin jetën/ Zbulohen 510 raste të reja

Greqia ka konfirmuar 510 raste të reja me koronavirus në 24 orët e fundit, ndërsa autoritetet e Shëndetit në vend njoftuan se si pasojë e Covid-19 humbën jetën 47 persona.

Nga rastet e reja, 16 janë identifikuar pas kontrolleve në kufij të vendit.

Numri i përgjithshëm i rasteve është 142,777, nga të cilat 52.3% janë burra. Po ashtu, gjatë gjurmimit u zbulua se 5,565 të rasteve (3.9%) konsiderohen se kanë të bëjnë me udhëtime nga jashtë dhe 42,934 (30.1%) kanë të bëjnë me një rast tashmë të njohur.

LEXO EDHE  VIDEO/ I moshuari goditet me grushta në mes të kryeqytetit, ja çfarë ndodhi

391 pacientë po trajtohen me intubim, ku mosha e tyre mesatare është 68 vjeç, kurse 266 (68.0%) e të intubuarve janë burra.

85.2% e pacientëve të intubuar kanë një sëmundje shoqëruese ose janë të moshës mbi 70 vjeç.