Gjatë konferencës së përbashkët për shtyp në Ankara, kryeministri Edi Rama zbuloi bastin me presidentin turk, Erdogan.
Rama tha se kreu i shtetit turk ka kërkuar rindërtimin e spitalit rajonal të Fierit për tre muaj, por edhe ky afat u korrigjua nga Erdogan i cili ngriti dy gishtat, duke nënkuptuar se do përfundohet për dy muajt e ardhshëm.
Megjithatë Rama preferoi t’i mëshonte afatit kohor prej tre muajsh. Por Erdogan insistoi sërish duke theksuar se afati për të përfunduar investimin është përpara zgjedhjeve të 25 prillit.
Rama: Basti që vendosi presidenti turk ishte mjaft i fortë, s’kisha guxim. Ka vënë një bast shumë të madh, që spitali i Fierit të përfundojë për tre muaj.
(Erdogan ngre dy gishtat).
Erdogan: Spitali të përfundojë përpara zgjedhjeve.
Rama: Ke vënë një bast shumë të fortë. Do kesh 3.5 mln shqiptarë supervizorë. Shpresoj të mbash premtimin.
