Edi Rama nga momenti që ka marrë postin e Kryeministrit ka zgjedhur të qeverisë me propogandë dhe show. Në përfundim të mandatit të dytë si Kryeministër, Rama nuk ka asnjë një bilanc, edhe pse kërkon mandatin e 3-të në zgjedhjet parlamentare të 25 prillit.
Por, injektimi i propogandës në çdo hallkë të qeverisjes, është aq i madh, sa ministrat dhe vetë Kryeministri, e vlerësojnë performacën e tyre jo mbi bilancet dhe realizimin e premtimeve, por mbi performancën në median sociale.
Më poshtë është një raport i përgatitur nga ‘brigada dixhitale’ e Qeverisë.
Aty është përmbledhur në mënyrë të detajuar veprimtaria e qeverisë brenda një jave. Në fakt është java kur ndërrohen vitet dhe aktiviteti nuk është shumë i lartë.
Ajo që tërheq vëmendjen është fakti se ministrat dhe Kryeministri vlerësohen që nga rritja e pëlqimeve e deri te postimi më i mirë dhe më i keq.
Madje rankohen edhe përdoruesit më aktivë me emër dhe të gjitha postimet që bëhen, edhe në grupet e WhatsApp.
Ndoshta kjo shpregon edhe faktin se pak ditë më parë Kryeministri është një nga 4 liderat botërorë më të ndjekur në rrjetet sociale.
Nuk ka se si të ndodhë ndryshe, kur e gjithë administrata është në rrjesht për një, duke u kujdesur të japë pëlqime apo të shpërndajë komentet e zyrtarëve të Qeverisë, ku siç pritet Rama është i pari.
