Deputeti Andi Përmeti ka rrëfyer momentet e vështira me Covid-19, ndërsa arriti të fitojë betejën me sëmundjen pas 70 ditësh.
Në një prononcim për Report tv Përmeti tha se gjendja ka qenë shumë e keqe dhe se mjekët i kishin dhënë pak shpresë për jetën.
“Ishte situata shumë e vështirë. Kalova 21 ditë në reanimacion. Dëmtimi i mushkërive ishte shumë i madh dhe jam në periudhë rikuperimi. Edhe sot pas 70 ditë kam nevojë për rikuperim. Po ju them që kur shkova në Turqi mjekët më dhanë pak shpresë për jetën. Nëse do të isha kuruar në Shqipëri mendoj se këtë lidhje nuk do ta bënim dot.
Është hera e dytë që e kaloj COVID, herën e parë e kalove lehtë. Dhe unë e mora lehtë por ja që më kapi më keq”, tha deputeti.
