Përveç krizës së pandemisë së Covid-19, Kosovës i shtohet edhe kriza politike. Kosova sot është pa një qeveri, pasi qeveria Hoti u shpall antikushtetuse, dhe pa një president të zgjedhur pasi Hashim Thaçi dha dorëheqjen për tu përballur në Hagë.
Kosova dhe zgjedhjet ishin tema e diskutimit në Open në Top Channel ku të ftuar ishin analistët Berat Buzhala dhe Andi Bushati.
Analisti Andi Bushati tha se Albin Kurti mbajti një qëndrimin e duhur pasi doli kundër ndarjes në Kosovës për diçka për të cilën është votuar.
“Albin Kurti pati dinjitet. U votua nga populli dhe klasa politike nuk lejoi të ndodhte vullneti i popullit. Ai i doli kundër Grenell dhe tregoi se ka dinjitet”- tha Bushati.
Sipas tij, problemi është që në skenën politike të Kosovës ata që e kanë provuar kanë krijuar një grop, por Kurti është një garanci që diçka mund të jetë ndryshe. “Në rastin më të keq të mundshëm kemi një të keqe të panjohur ose shpresë të panjohur”, tha ai.
