173 viktima dhe 8.822 raste të reja. Ky është bilanci i Francës për 24 orët e fundit sa i përket situatës së pandemisë.
Me 8.822 raste të reja me COVID, Franca ka shënuar një rritje të shifrave krahasuar me një ditë më herët kur u regjistruan 3.093 pacientë.
Numri i pacientëve që nga fillimi i epidemisë në Francë tani është rritur në 2.559.686, duke e bërë këtë vend të pestin në botë, raporton Reuters.
Numri i viktimave që nga fillimi i pandemisë ka arritur në 62.746.
Në shtatë ditët e fundit kishte mesatarisht 12.333 raste të reja në Francë.
