Virusi COVID-19 nuk ka kursyer as kampionë të mëdhenj të botës së sportit. Një ndër ta është edhe Lewis Hamilton që e kaloi virusin vdekjeprurës jo lehtë.
Shtatë herë, kampioni i botës në Formula 1 doli pozitiv më 30 nëntor dhe u izolua për një periudhë 10 ditore. Por ai ka pranuar se ende po lufton me efektet pasuese të virusit, teksa në fund të muajit të kaluar ai u diagnostikua me COVID.
Britaniku i Mercedesit iu është rikthyer edhe një herë të komentojë ato ditë të vështira për të:
“Kam humbur 6 kg gjatë dy muajve të fundit. Katër prej të cilave i humba kur u infektova me COVID. Kam humbur kaq shumë muskuj. Por kam vendosur të rikthehem sërish i fortë”, shkroi piloti në një postim të bërë në “Instagram”.
35-vjeçari e shoqëroi postimin me një foto nga palestra ku po punon për të rikuperuar edhe një herë formën e tij të mëparshme. Hamilton kishte qenë në Dubai me miqtë dhe familjen përpara se të udhëtonte në Bahrein dhe u informua se dikush në atë festë gjithashtu kishte dalë pozitiv.
DENONCO