Presidenti Ilir Meta ka dhënë lajmin për ndarjen nga jeta të poetit Vasil Llakmanit. Meta e cilëson Llakmanin si një burrë të urtë dhe të mençur të cilin kishe gjithmonë dëshirë ta takoje dhe të bisedoje për bukuritë e Pogradecit.
“Lamtumirë Xha Sili, burri i urtë dhe i mençur, patrioti e qytetari model, të cilin kishe gjithmonë dëshirë ta takoje e të bisedoje gjatë për bukuritë e Pogradecit, hallet e njerëzve të thjeshtë, por edhe për letërsinë, që aq shumë e deshte.
Jo më kot, i paharruari i letrave shqipe, Dritëroi ynë i madh, ishte edhe miku yt i veçantë. Me ikjen tënde, vizitat në Tushemisht nuk do të jenë më njësoj. Të prehesh në paqe Vasil Llakmani! Mikpritja dhe bujaria jote do mbeten të paharruara!
Ngushëllimet më të ndjera familjes, miqve dhe mbarë komunitetit të mrekullueshëm të Pogradecit dhe Tushemishtit!”, shkruan Meta.
