Ish-ministri socialist dhe ish-deputeti Elmaz Sherifi përmes një komenti shprehet se 60 % e shqiptarëve nuk i besojnë më kësaj qeverie. Sherifi i referohet sondazhit të fundit të NDI-së, ndërsa thekson se mosbesimi i shqiptarëve ndaj qeverisjes është në rritje.
Sherifi shkruan se Rama është në rënie e në vetmi, jo se është me ide më të përparuara, e të tjerët nuk mund ta ndjekin, por se, filozofia politike e tij bazohet te anarkizmi dhe subjektiviteti, prandaj e kam emërtuar si filozofi surelist i së drejtës.
“Ai kishte deklaruar sa mori mandatin e dytë, se asnjë minister nuk do të ikë nga qeveria pse do e kërkojnë të tjerët, por, vetëm kur të donte ai.
Ra edhe në këtë premtim. Lleshin ia rrëzuan të “rinjtë e rrugës”, prandaj do jetë në rënie të lirë, e as do të ketë forcë ta ndalojë atë”, shkruan Sherifi.
Nga Elmaz Sherifi, ish-ministër i PS
“Rënia e lirë e qeverisjes”!
Nga sondazhi i fundit i Institutit Demokratik Amerikan, del, se 60 për qind e shqiptarëve nuk besojnë më te qeverisja.
Në fakt, mosbësimi është në rritje çdo dite. Vrasja e të riut në derën e shtëpisë, rebelimi i të rinjve dhe dhuna ndaj minorenëve edhe më shumë e rriti urrejtjen ndaj kesaj qeverisje.
Raportet ndërkombëtare janë denoncuese për cenimin e standardeve demokratike të qeverisjes dhe mosrespektimin e të drejtave të njeriut. Transparence Internetional denoncon rritjen e korrupsionit dhe KE cenimin e të drejtave të njeriut dhe dhunimin e të rinjve e gazetarëve.
Edhe Guardia di Finanza raporton se sipërfaqet e mbjelljeve me lëndë narkotike në Shqipëri, në 2020, janë shumë më të larta, se në 2019.
Qeveria pretendon të kundertën, ndërsa kryeministri në një media ndërkombëtare, e pranon, se ka mbetur vetëm, pasi, sipas tij, nuk kuptohen “idetë e tij”!
Është e vërtetë se perceptimi mbi realitetin, nga shumica absolute e shqiptarëve dhe kryeministrit, është krejt e ndryshme. Ashtu, si edhe filozofia politike mbi qeverisjen demokratike është krejt e ndryshme, sepse, kyeministri parimet e shtetit social të së drejtës i konsideron tepër të vjetruara, prandaj i mohon të gjitha rekomandimet e institucioneve europiane për plotësimin e kushteve, para organizimit të Konferencës Ndërqeveritare.
Ai deklaron edhe publikisht, se nuk ka kushte, e në këtë situatë duket e pavlerë edhe impenjimi i Ambasadores Kim për plotësimin e Gjykatës Kushtetutese brenda dhjetorit.
Pse? Sepse kryeministri ynë ka dhënë prova se nuk pyet e as i zbaton vendimet e Gjykatës Kushtetutese.
Do e konsideroni akt mërie, si u duket disa militantëve e adhuruesve të Ramës?
Ja po ju jap një rast, nga më bindësit e me flagrantët. A nuk ia hoqi mandatin e deputit Ilir Beqes Gjykata Kushtetutese ? Po ia hoqi. A nuk e bëri Rama përsëri deputet? Ai është përsëri deputet!
Rama është në rënie e në vetmi, jo se është me ide më të përparuara, e të tjerët nuk mund ta ndjekin, por se, filozofia politike e tij bazohet te anarkizmi dhe subjektiviteti, prandaj e kam emërtuar si Filozofi surelist i së drejtës!
Ai kishte deklaruar sa mori mandatin e dytë, se asnjë minister nuk do të ikë nga qeveria pse do e kërkojnë të tjerët, por, vetëm kur të donte ai.
Ra edhe në këtë premtim. Lleshin ia rrezuan te “rinjtë e rrugës”, prandaj do jetë në rënie të lirë, e as do të ketë forcë ta ndalojë atë.
