Teksa Serbia ndërpreu lidhjen energjetike me Kosovën, ambasada amerikane në Tiranë e konsideron si moment historik faktin që Shqipëria dhe Kosova kanë vënë në funksion linjën e transmetimit prej 400 KW.
Kjo i hap rrugë tregut të përbashkët të energjisë midis dy shteteve, ndërsa i hap rrugë integrimit në tregun rajonal të energjisë.
Postimi i plotë:
Përgëzojmë Shqipërinë dhe Kosovën për funksionimin e bllokut të përbashkët të kontrollit Shqipëri-Kosovë dhe linjës së transmetimit të energjisë 400 KW që lidh të dy vendet.
Ky është një moment historik për Shqipërinë dhe Kosovën, ndërsa ato ecin përpara në krijimin e një tregu të përbashkët të energjisë elektrike, i cili pritet të ofrojë energji më të besueshme dhe të përballueshme për shtëpitë dhe bizneset në të dyja vendet, si dhe të përmirësojë sigurinë e energjisë.
Mbështetja nga USAID po ndihmon të dyja vendet ndërsa ecin drejt integrimit në tregun e energjisë rajonale dhe atë të Bashkimit Evropian.
