Inter mposht Napolin dhe afrohet me kreun, Milani lëshon sërish terren

Milan-i “ngec” përsëri. Pas barazimit 2-2 të marrë para tri ditësh kundër Parma-s, Djalli ka barazuar edhe sot me të njëjtin rezultat në ndeshjen e luajtur në fushën e Genoa-s.

Kuqeblutë kanë kaluar dy herë në avantazh me ish-lojtarin e kuqezinjve Destro, por nuk kanë arritur ta mbrojnë avantazhin.

Lojtarët që kanë shpëtuar Djallin kanë qenë dy mbrojtësit Calabria dhe Kalulu. Skuadra e Pioli-t kryeson kampionatin me 28 pikë. Një vend i parë që do ta ndanin me Inter-in në rast se kuqezinjtë do të ishin mundur.

LEXO EDHE  Kupa e Afrikës/ Mbrojtësi shkëlqen si portier, shikoni pritjet spektakolare ndaj Kamerunit (VIDEO)

Zikaltrit, në fakt, kanë marrë një fitore të rëndësishme kundër Napoli -t dhe tani janë në kuotën e 27 pikëve, vetëm një larg kushërinjve. Takimi i luajtur në San Siro është vendosur nga një penallti e Lukaku-t në pjesën e dytë.

Goditja e dytë për Napoli-n ka qenë kartoni i kuq i marrë nga Insigne për protesta. Ky rezultat e lë skuadrën e Gattuso-s në vendin e katërt me 23 pikë.