Nënkryetari i PD-së, Edi paloka, ka ironizuar reagimet në rrjetet sociale, apo ato publike, lidhur me thyerjen e semaforëve, tabelave apo djegien e ndonjë peme, gjatë revoltës 5 ditore të të rinjve, kundër vrasjes së Klodian Rashës nga një efektiv policie.
Gjatë protestës pati përplasje mes policisë, e cila ndërhyri dhunshëm, kundër protestuesve, një pjesë e të cilëve revoltën e tyre, duket se e shprehën me dëmtimet që i bënë disa tabelave të sinjalistikës apo semaforëve. Kjo solli disa reagime të habitshme nga personazhe të ndryshëm, që më shumë u shqetësuan nga këto dëme, se sa nga fakti se policia mund të të vrasë pas shpine dhe të tentojë të manipulojë ngjarjen.
Pikërisht nga këto reagime, Paloka ka ironizuar në rrjet, duke u shprehur se semaforët janë vendet e punës të atyre që qenkan lebetitur nga dëmtimet në protestë.
“Janë ca që vrasja e një 25 vjecari pa faj dhe dhunimi i fëmijëve nga banditë të veshur policë, nuk ju bën përshtypje !
As dhunimi i shqiptarëve nga Rama prej 8 vitesh…po ndërkohë qajnë e lebetiten për disa semafore të thyer…!!!
Nuk po e kuptoja, deri sa ma shpjegoi një shok: “Semaforët janë vendet e tyre të punës”- më tha”, shkruan Paloka në rrjet.
