Menjëherë pas votimit të Kolegjit Zgjedhor, Presidenti amerikan, Donald Trump, njoftoi në Twitter largimin e Prokurorit të Përgjithshëm, William Barr, i cili kishte thënë se nuk kishte prova të mashtrimit të gjerë të votuesve në zgjedhje, pavarësisht nga pretendimet e presidentit.
Trump njoftoi se Barr, një nga aleatët më të vendosur të tij, do të largohet përpara Krishtlindjes, raporton BBC.
Mandati i Barr pritej të mbaronte në 20 Janar, kur Trump të linte detyrën. Tensionet midis të dyve shpërthyen pasi Barr tha se nuk kishte prova të mashtrimit në votimet e nëntorit.
Ai u kritikua nga Trump pasi nuk deklaroi publikisht se departamenti i drejtësisë po hetonte djalin e Joe Biden gjatë fushatës.
Trump postoi në Twitter letrën e dorëheqjes së Barr duke thënë: “Marrëdhënia jonë ka qenë një marrëdhënie shumë e mirë, ai ka bërë një punë të jashtëzakonshme!”
Letra e Barr drejtuar presidentit filloi duke thënë se ai “vlerësonte mundësinë për të azhurnuar” presidentin për rishikimin që Departamenti i Drejtësisë (DOJ) po bën ndaj akuzave për manipulim të zgjedhjeve të fundit, duke shtuar se “këto akuza do të vazhdojnë të ndiqen”.
Ai nuk dha më shumë detaje rreth rishikimit dhe vlerësoi arritjet e Presidentit Trump në detyrë para se të mbyllte letrën duke thënë se ai do të largohet nga pozicioni i tij në 23 Dhjetor.
“Sapo pata një takim shumë të mirë me Prokurorin e Përgjithshëm Bill Barr në Shtëpinë e Bardhë. Marrëdhënia jonë ka qenë një marrëdhënie shumë e mirë, ai ka bërë një punë të jashtëzakonshme! Sipas letrës, Bill do të largohet pak para Krishtlindjes për të kaluar pushimet me familjen e tij”, ka shkruar Trump në Twitter.
Just had a very nice meeting with Attorney General Bill Barr at the White House. Our relationship has been a very good one, he has done an outstanding job! As per letter, Bill will be leaving just before Christmas to spend the holidays with his family…
— Donald J. Trump (@realDonaldTrump) December 14, 2020
Just had a very nice meeting with Attorney General Bill Barr at the White House. Our relationship has been a very good one, he has done an outstanding job! As per letter, Bill will be leaving just before Christmas to spend the holidays with his family…
— Donald J. Trump (@realDonaldTrump) December 14, 2020
