Presidenti Ilir Meta, përmes një postimi në rrjetet sociale, ka shprehur mbështetje për gazetarët, ndërsa premton se do të jetë në krahun e tyre, në mbrojtje të lirisë dhe pavarësisë së mediave.
Regaimi i Presidentit ka ardhur, pasi në ditët e fundit, disa gazetarë në Tiranë dhe Durrës, u dhunuan dhe u shoqëruan në komisariatet e policisë, ndërsa po ndiqnin protestat qytetare, ose po faktonin dhunën e policisë ndaj protestuesve, veçanërisht të miturve.
“Respekt dhe mirënjohje të thellë për gazetarët e terrenit, operatorët dhe stafet e tyre mbështetëse! 👏
Në këto ditë të vështira për të gjithë, keni shkëlqyer me profesionalizëm dhe kurajë, në shërbim të informimit publik dhe transparencës.
Është themelore për demokracinë, që secili prej jush, të jetë në gjendje të vijojë misionin, pa u dhunuar, ndaluar, kërcënuar dhe frikësuar.
Do të jem përherë në krahun tuaj, në mbrojtje të lirisë dhe pavarësisë së medias!”, shkruan Meta.
