Një 46 vjeçar me origjinë shqiptare është arrestuar nga policia italiane në Ponte Pattoli, pasi u kap me rreth 3 kg kokainë.
Policia ushtroi një kontroll ndaj 46-vjeçarit, pasi ai nisi të bënte manovra të dyshimta me automjetin e tij.
Kur policia e pyeti për punën që bënte dhe për çfarë qëllimi ndodhej në Umbria, ai u shpreh se ishte “përfaqësues vere” dhe udhëtonte për punë.
Sidoqoftë, duke mos arritur të ekspozonte ndonjë paketim të verës që do të duhej të mbante, me një qëndrim gjithnjë e më nervoz, ai ndryshoi versionin, duke pretenduar se ishte në Umbria për të vizituar të dashurën e tij e cila, megjithatë, nuk e kujtoi dot se ku jetonte, shkruan “Ansa”.
Në atë moment, karabinierët vendosën t’i nënshtronin subjektit një kërkim më të thelluar, duke vërejtur qese dhe copa celefoni.
Në një ndarje të bagazhit dhe në një sirtar në anën e pasagjerëve, u gjetën 3 pako, të mbështjella me celofan, të një lënde narkotike të llojit kokainë, me një peshë totale mbi 3 kg, si dhe dy telefona celularë, material për prerjen dhe paketimin e substancës narkotike dhe shumën prej 830 euro, të ndara në kartëmonedha të prerjeve të ndryshme.
Menjëherë, shqiptari u arrestua ndërsa lënda narkotike, paratë dhe sendet e tjera iu nënshtruan sekuestrimit. I arrestuari, në fund të formaliteteve, u dërgua në burgun e Capanne.
